Движење за социјална правда

(Видео) Сеќавање на Др. Елена Етингер Каваева за Ленин

Младата бунтовничка Каваева

 

Како млада студентка по медицина во Берн, Швајцарија, во куќата на мојот брат Др. Адам Етингер, прв пат го видов Ленин. Брат ми се запознал со него во Женева и тие станале блиски пријатели и соработници. Ленин и Плеханов секоја сабота после пладне доаѓале од Женева во Берн, за да држат предавања на студенти од словенско потекло. Тие предавања со дискусии задолжително продолжувале и до полноќ и тогаш Ленин доаѓаше во нашата куќа, каде што остануваше до понеделник. Тука се собиравме и со политички истомисленици каде покрај другите теми се задржувавме и на работничкото прашање. Ленин имаше мислење дека работничкото прашање може да го реши само револуција, но таа не може да биде во скоро време. повеќе…

0
img

„19-ти МАЈ“ – првата терористичка група формирана од жени

Нова книга на историчарот Вилијам Росно (William Rosenau) ја истражува радикално левичарската група формирана во 70-тите во САД, позната под кратенката М19.

Среде општествените и политичките превирања во Америка во 70-тите, неколку жени се здружиле во група наречена „Комунистичка организација 19-ти мај“. Името на организацијата се однесувало на заедничкиот роденден на Малком Икс и виетнамскиот водач Хо Ши Мин, а нејзината идеологија била опишана како „револуционерен анти-империјализам“. Тоа е првата и (според историчарите) единствената терористичка група формирана и раководена од жени.

По формирањето во 1978, активностите на М19 ескалирале од лепење постери до грабежи на блиндирани возила и помагање на затворски бегства, меѓу кои на изработувач на експлозиви од порториканска националистичка група, по кого ФБИ трага и денес. повеќе…

0
img

Левица: „Конечно расчистуваме со штетните структури во партијата инструирани од власта“

Политичката партија Левица ја информира јавноста дека насилно е преземена Фејсбук страницата на партијата. Од раководството во Президиумот велат дека вакви смислени хајки се случуваат секогаш за време на некој важен предизборен период, па оттаму се сомневаат дека случајов е под диригентска палка на власта. Соопштението го пренесуваме во целост.

СООПШТЕНИЕ ДО ЈАВНОСТА

СПРЕЧЕН УШТЕ ЕДЕН ДИРИГИРАН ОБИД НА ВЛАСТА ЗА ПУЧ ВО ЛЕВИЦА!

Скоро половина година работата во Левица беше целосно блокирана од една тесна група членови на Централниот комитет собрани околу т.н. троцкистичка фракција „Црвени“, а инструирани од надворешен центар на моќ. Фракцијата, со своите претесни и ограничени идеолошки погледи, на секој начин се обидуваше да се наметне и да доминира – а притоа нејзините врбувани членови со крајни напори се обидуваа да го закочат, минираат и саботираат делувањето и акционото единство на Левица, посебно околу процесите на нелегитимните уставни промени, важните национални политички прашања од поширок интерес поврзани со „Преспанскиот договор“ и со т.н. Закон за двојазичност.
Повеќемесечната политичка борба внатре во главните органи на Партијата силно ги наруши персоналните меѓучовечки односи и довербата неповратно се изгуби, особено после нелегалниот обид за пуч и смена на легитимните партиски органи од страна на т.н. орган со истечен мандат. Притоа, сите обиди да се дојде до взаемен компромис пропаднаа, а оваа маргинална група од пет-шест луѓе остана рововски закопана во своите погубни политички ставови, кои немаа никакво одобрување од базата, тврдоглаво одбивајќи да го сообрази своето штетно делување со реалните прилики на современата стварност и не сакајќи да ги почитува одлуките на ЦК донесени со апсолутно мнозинство гласови.
Истовремено беа откриени и серија финанскиски малверзации на дел од членовите на таа група, повеќе…

0
img

Градоначалникот на Велес врши политички притисок врз неистомисленици

Службеник во Општина Велес се пожали и побара правна помош од нас поради тоа што Градоначалникот на Општина Велес, Аце Коцевски, поднел иницијатива за дисциплинска постапка против него. Во Иницијативата, Градоначалникот бара дисциплинска комисија да утврди дека службеникот направил потешка повреда на службената должност – дисциплински престап. За овој наводен престап, санкцијата може да биде и бркање од работа. Според градоначалникот, службеникот го направил престапот со тоа што напишал два лични става во негативен контекст како два поста на личен профил на Фејсбук, вон работно време а кои се однесуваат на НАТО Фестот.

Во меѓувреме, Градоначалникот на Велес, од својот личен профил, за истиот настан, Голема граѓанска прослава во организација на Влада на РМ, кој во јавноста е познат како НАТО Фест, сакајќи да го промовира, споделил пост од фејсбук профилот на Општинска Организација на СДСМ од Велес. Значи тој може од личен профил да го промовира настанот и тоа споделувајќи содржини од фејсбук профил на ОО СДСМ Велес со што го нарушил угледот на функцијата градоначалник, а со тоа и на цела Општина Велес, а службеникот не смее да постира пост со негативен став кон НАТО Фестот од својот личен профил?!

„Баханалии“ е преблаг збор  кога се организира погреб на државата, во име на народот и со народни пари!

(слика. Бр. 1. Пост со кој Градоначалникот на Велес го нарушил угледот и независноста на Општина Велес од партискио влијание)

 

(слика. Бр. 1. Пост со кој Градоначалникот на Велес го нарушил угледот и независноста на Општина Велес од партискио влијание)

 

 

 

 

 

 

 

 

 

И не е само тоа, Градоначалникот на Велес отиде и чекор понатаму. Тој водеше кампања “ЗА” на изминатиот референдум, а тоа го правеше од позиција на Градоначалник со што ја злоупотреби функцијата Градоначалник на Велес. Иако спротивно на добрите референдумски практики на Венецијанската комисија, беше решено само Собранието (пратениците) да водат кампања, а не и градоначалниците. Но, Градоначалникот на Велес, спротивно на тоа водеше кампања “ЗА”.

(слика бр. 2. Аце Коцевски води камњапа “ЗА” од позиција на Градоначалник со што прави злоупотреба на функцијата)

На крај прво се наметнува логично прашање, ако службеник вработен во Општина Велес, за два статуса во кои се изнесува критика на НАТО Фест, напишани на приватен профил вон работно време, треба да се казни за дисциплински престап, тогаш како треба да се казни Градоначалникот на Велес?

Како и да е, ние од Ленка ќе го следиме случајот и правно ќе го помогнеме службеникот. Оваа метода на политички притисок врз вработените во администрацијата нема да помине!

 

0
img

ПОВИК ЗА НАБЉУДУВАЧИ НА ПРЕТСТОЈНИОТ РЕФЕРЕНДУМ

Се наоѓаме пред голем тест за македонската демократија – референдумот кој ќе се одржи на 30 септември. Во изминатите неколку месеци бевме сведоци на насилничкиот марш на власта која за да обезбеди потребниот цензус за референдумот, најгрубо ги прекрши законските процедури и уставните обврски, а згора на тоа води манипулативна кампања ЗА Европска Македонија, иако се работи ЗА Натовска Северна Македонија.

Институциите потфрлија, а политичките партии од Пржинската четворка практично се во дослух со своите странските налогодавачи. Чашата ја прелеа одлуката на Уставниот суд кој не презеде мерки против референдумскиот инжинеринг на власта. Практично народот е оставен самиот на себе.

Согласно правилникот на Државната изборна комисија, овластени набљудувачи за референдумот може да делегираат само домашни здруженија на граѓани, странски организации и претставници на странски земји.
Но ние немаме доверба во домашните невладини организации кои отворено агитираат да се излезе и да се гласа на референдумот. Немаме доверба ни во странците.

Затоа ДСП Ленка го упатува следниот повик:

Граѓани на Република Македонија, работници, млади и стари, исполнете ја својата граѓанска должност пред Република Македонија, и пријавете се за набљудувачи, овластени од  ДСП ЛЕНКА, за престојниот референдум. Набљудувач може да биде секој жител на РМ со право на глас, подготвен непристрасно да го набљудува референдумскиот процес.

Да не дозволиме манипулации со нашите гласови! Доста беа кражби и наместени резултати! Неопходно е да го набљудуваме референдумот на 30 септември!

Податоци со кои се пријавувате за набљудувач се: име и презиме, матичен број, број на Лична Карта, општина и место на живеење и контакт телефон.  

Овие податоци испратете ги на мејлот на ДСП Ленка каде ќе добиете понатамошни инструкции и информации, или ако не сте во можност да пратите мејл, тогаш јавете се на телефонот приложен за вашата општина или најблиската до неа. 

e-mail: lenka.dsp@gmail.com

Контакт телефони:

  1. Гази Баба  070/323-961
  2. Ѓ. Петров  075/388-672
  3. Карпош  078/326-023
  4. Центар 078/306-617
  5. Аеродром/Кисела Вода 075/387-511
  6. Битола 078/710-850
  7. Куманово 075/505-697
  8. Струмица  075/655-174
  9. Прилеп  075/825-353
  10. Кратово  070 365-899
  11. Гевгелија 078/846-013
  12. Струга/Охрид 078/710-850
  13. Кавадарци 075 590 856
  14. Крива Паланка 071/359-173
  15. Кочани  078/426-916
  16. Штип  070/322-845
  17. Велес 076/848-802
  18. Гостивар 071/391-555
  19. Неготино  075/700-736
  20. Кичево 075/781-307
  21. Македонски Брод 077/744-846

Повикот за пријавување завршува во недела (23 септември) на полноќ. Ве молиме забележете дека не е потребен никаков надоместок за пријавените, се бараат волонтери кои ќе го набљудуваат гласањето доброволно. 

Последната вербална дијареа на Сороспиите (Против Фрчко и компанија)

Последното интервју на Димитар Апасиев, член на Президиумот на Левица, кое што беше оригинално објавено на порталот ЈанакиЗнае и преземено од Антропол, како и неговата последна колумна, се отстранети од Фејсбук. Причината е големиот број на луѓе кои ги репортирале објавите како спам. Секој обид за споделување на горенаведените линкови резултира со опомена за споделување спам, а Фејсбук страницата на Антропол се уште е нефункционална.

Ситуацијата очигледно е однапред исценирана цензура. Ваквото репортирање е можно од поголема група на луѓе кои се географски дисперзирани низ Македонија, за да алгоритамот на Фејсбук ја класифицира објавата како спам и автоматски ја отстрани.

Од интернет порталот Експрес велат: „Дека се работи за класична цензура преку социјални мрежи доказ е фактот што дури ако сакате сами да го споделите текстот што би значело дека за него не сметате дека е спам тоа Фејсбук нема да ви го дозволи затоа што предходно некој го пријавил како штетен линк.“

Од таму додаваат и дека „за експертите е јасно дека се работи за систем во кој одредена група луѓе е координирана од еден центар кој дава налог кои текстови да се пријавуваат на социјалните мрежи“.

Поради тоа, редакцијата на Ленка во знак на поддршка на редакцијата на Антропол и на слободата на изразување повторно ја објавува колумната, којашто беше цензурирана и отстранета од Фејсбук.

Натофундаментализмот во Македонија, инициран и поттикнуван од една самонаречена елита на „социјалдемократите“ и слични сателити кои гравитираат „лево од центарот“, е моментно најголемиот современ непријател на Републиката! Сакајќи оваа штетна и фејкерска појава да ни ја прикажат како „спасоносна операција за државата“, овие интелектуални Сороспии се унижуваат до сопствено непрепознавањe и бесмисла, само и само да си ги одработат однапред штедро платените надници. Во овие карикатурални ликови ја гледаме сета нестварност на човекот и сета стварност на нечовекот. повеќе…

0
img
Цитати
  • Филозофите само на различни начини го толкуваа светот, а работата е во тоа тој да се измени. Карл Маркс
    Тези за Фојербах
Видео
Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!