Фондацијата Отворено општество на Џорџ Сорос ќе отпушти најмалку 40% од својот персонал еден месец откако 92-годишникот објави дека му ги предал уздите на фондацијата вредна повеќе милијарди на својот син Александар Сорос.
Укинувањето на работните места беше објавено во соопштение потпишано од Александар Сорос и претседателот на фондацијата, Марк Малох-Браун. Се вели дека фондацијата ќе претрпи „значајни промени“ во нејзиниот оперативен модел.
Портпаролот на Фондацијата Отворено општество изјави за Си-Ен-Ен дека спроведувањето на новата визија на организацијата бара „тешки одлуки“ и дека планира да го намали бројот на вработени за не помалку од 40% на глобално ниво.
Фондацијата Отворено општество моментално има околу 800 вработени ширум светот.
Непрофитната организација на Сорос е „најголемиот приватен финансиер во светот на независни групи кои работат за правда, демократско владеење и човекови права“, според веб-страницата на фондацијата.
Во реалноста фондацијата „Отворено општество“ на Сорос претставува синоним за неолиберализмот, неокапитализмот и американизација. Џорџ Сорос според многумина е еден од олигарсите кои ги „влечат конците“ позади сцената контролирајќи голем број политичари, предизвикувајќи ги сите големи политички случувања низ светот.
За повеќе: https://lenka.mk/columns/dosie-sorosbiografiјa-na-parazitizmot/
Преведено од: https://ktvz.com/news/2023/06/30/george-soros-foundation-lays-off-40-of-workforce-after-passing-control-over-to-his-son/