Чарлс Бојкот (1832 – 1897) бил англиски земјен агент чиј острацизам, односно изолација, од неговата локална заедница во округот Мајо му го дал на англискиот јазик терминот „бојкот“.
Чарлс служел во британската армија која го донела во Ирска. По пензионирањето од армијата, Бојкот работел како застапник за земјиште и собирал кирии од земјоделците-закупци во име на Лорд Ерне, главниот земјопоседник во округот Мајо.
Кога гладот повторно се појави во 1879-1880 година, Бојкот беше бескомпромисен и започна да иселува единаесет станари поради неплаќање кирија. Како дел од кампањата за Трите Ф, (фер кирија, фиксирање на мандатот и слободна продажба) и конкретно како отпор на предложените иселувања, Ирската земјишна лига се залагаше луѓето во областа да не го напаѓаат Бојкот, туку да користат нова тактика – одбиј воопшто да работиш со него.
„Бојкотот“ беше суштински поттикнат од Чарлс Стјуарт Парнел, кој на 19 септември 1880 година, неколку дена пред (не)акцијата против Бојкот, предложи во својот говор дека непријателските газди треба да се избегнуваат:
„Избегнувајте го на улиците на градот, морате да го избегнувате во продавницата, морате да го избегнувате на зелениот и на општиот пазар, па дури и на местото на богослужба, оставајќи го сам, ставајќи го во ‘морален Ковентри’ (англиски идиом за намерно избегнување), со тоа што ќе го изолирате од остатокот од неговата земја како да е лепрозен од старо време, мора да покажете одвратност кон злосторството што го направил“.
Оваа нова форма на протест беше ефективна, имаше повлекување на локалната работна сила потребна за собирање на посевите на имотот на Лорд Ерне, што започна кампања на изолација против Бојкот во локалната заедница. Оваа кампања вклучуваше одбивање на продавниците во блискиот Балинроуб да му служат и повлекување на услугите за перење. Според Бојкот, на момчето кое ја носело неговата пошта му се заканувале со насилство доколку продолжи.
Бојкотот привлече меѓународно внимание кога капетанот напиша писмо со жалба до Лондон Тајмс за неговата ситуација. Бојкот ја напушти Ирска неколку месеци подоцна. До крајот на 1880 година, весниците во Британија почнаа да го користат зборот „Бојкот“ како што го знаеме денес, не како вистинско име на личноста, туку како тактика на протест.
