Односите меѓу Русија и Кина се поставени на цврсти темели, а способноста на двете земји да се соочат со предизвиците станува се посилна, изјави денеска кинескиот претседател Си Џинпинг за време на разговорите со рускиот премиер Михаил Мишустин во Пекинг. Соработка меѓу овие две земји веќе достигнала 218,28 милијарди долари.
– Денес поставивме цврста основа за интеракција, чиј обем и квалитет се зголемуваат, а нашата способност да издржиме ризици се засилува. Тоа покажува отпорност на потенцијалните тешкотии и можност за заемно корисна соработка меѓу двете земји, рече кинескиот лидер, пренесе РИА Новости.
Си додаде дека планот за зголемување на билатералната трговија меѓу Русија и Кина на 200 милијарди долари годишно е направен пред предвиденото, додавајќи дека оваа бројка веќе достигнала 218,28 милијарди долари.
Мишустин изјави дека билатералната трговска и економска соработка ги надминала тешките предизвици во 2023 година.
Меѓусебниот трговски промет меѓу Русија и Кина, според него, изнесува речиси 18 трилиони рубљи.
– Москва и Пекинг постигнаа добри резултати во инвестициската сфера, се реализираат 80 заеднички проекти од голема вредност, додаде рускиот премиер.
Лидерите на Русија и Кина претходно си поставија цел да го удвојат трговскиот промет, со што од 100 милијарди долари годишно во 2018 година ќе дојде до 200 милијарди долари до 2024 година, пренесува Танјуг.
Текстот е превземен од: Скопско ехо
