Меѓународниот суд на правдата (МСП) ја донесе својата одлука за вонредните мерки што ги побара Јужна Африка во случајот за геноцид против Израел поради војната во Појасот Газа.
Судот откри дека постои основа да се продолжи со случајот против Израел за геноцид и дека ЈАР има солидна основа да го изнесе својот случај пред највисокиот суд во светот. Главниот судија на МСП, Џоан Донахју, рече дека се неопходни привремени мерки против Израел бидејќи „катастрофалната хуманитарна ситуација во Појасот Газа е во сериозен ризик од дополнително влошување пред судот да ја донесе својата конечна пресуда“. Целосната постапка против Израел ќе трае многу години за да се заврши.
Во исто време, судот не отиде толку далеку во своите одлуки колку што сакаше Јужна Африка и не му нареди експлицитно на Израел веднаш да ги прекине своите воени напади врз Газа или да ја укине опсадата. Наместо тоа, судот му нареди на Израел „да ги преземе сите мерки во негова моќ за да го спречи извршувањето на сите дејствија во рамките на член II од Конвенцијата за геноцид“.
Од 7 октомври, израелската воена кампања убила најмалку 26.083 луѓе, а ранила 64.487 други, според официјални лица во Газа. Илјадници се водат како исчезнати под урнатините, а повеќето од нив се претпоставува дека се мртви.
