Левица ветува изградба на споменик за бранителите од Вејце.
Оваа политичката партија соопшти дека ако дојде на власта ќе изгради во Вејце споменик во помен на загинатите бранители, кои несебично се жртвуваа во војната во 2001 година, во прилог соопштението на партијата:
Ви го претставуваме идејниот проект кој Левица ќе го изгради во Вејце од позиција на власт, во чест и помен на загинатите бранители од Вејце, кои несебично се жртвуваа во војната во 2001 година.
Масакрот од 2001 година во село Вејце останува дел од колективната меморија на Македонците како најголем пораз на државните институции од група на терористи, кои ден денес немаат праведна судска разврска, туку напротив истите тие кои ги направија овие злосторства беа амнестирани и наградени со удобни фотелји.
Делегација на Левица на 28 Април ќе положи свежо цвеќе за сеќавање на жртвата на осуммина припадници на специјалната единица “Волци” кои беа убиени, масакрирани и живи запалени на истиот тој ден пред 23 години.
Проектот го изготви м-р Андреа Јанков, координатор на секторот за Урбанизам и локална самоуправа на Левица.
