Движење за социјална правда

Теми

Студии

РАБОТНИ СПОРОВИ: Позитивни примери од судската пракса

ОБЕЗВРЕДНУВАЊЕ НА ТРУДОТ: Анализа на трудово-правната легислатива во периодот на транзицијата

ШТРАЈК: Искуства и состојби

Jul

28
2016

НАТО и противречностите во западниот империјализам

Категории: Антикапитализам,Антимилитаризам,Антифашизам,Општо

Бен Глиниецки и Хамид Ализадех

22.07.2016

Неодамнешниот самит во Варшава беше полн со противречности и напнатост меѓу членките на Пактот. На виделина излегоа кршливоста на моќта на НАТО и нестабилноста на светските односи.

(Забелешка: Статијата е напишана пред неодамнешните изјави на Доналд Трамп за НАТО и пред кризата која изби помеѓу НАТО и Турција. Овие настани сепак служат само за да се потврди генералниот процес кој е опишан во статијата.)

Водечката одлука донесена на самитот беше стационирањето на четири баталјона на мултинационалните сили во Полска и балтичките земји на ротирачка база. Ова беше договорено пред две години на самитот на НАТО во Велс, но на членките на НАТО им требаа две години за да присоберат 4000 војници, чија главна задача е да се обесхрабри руска агресија во регионот.

Но, идејата дека толку мала сила може да ја обесхрабри силната руска армија е смешна и НАТО веќе призна дека тоа не се сериозни борбени сили. Пред новите распоредувања, Пентагон и корпорацијата РАНД, важен тинк-тенк што води низа воени игри, откриле дека руската армија би можела да ги окупирабалтичките земји за 60 часа. Корпорацијата РАНД предлага распоредување на минимум седум бригади (т.е. помеѓу 30 и 40 илјади војници!) придружени со значајна воздушна и логистичка поддршка за да спречи таква инвазија. Дури и тогаш, пишуваат тие, таа сила „нема да биде доволна за одржлива одбрана на регионот“. повеќе…

Клучни зборови: Европа, запад, империјализам, криза на капитализмот, нато, русија

Jul

13
2015

Странски инвестиции – концентрациони логори во Македонија и Балканот

Категории: Антикапитализам,Новости,Општо

Исцедете, ограбете
пот и труд и меса голи,
уста пуста затворете
да не каже оти боли.

Очи црни ископајте
да гледајат не давајте,
раци машки прекршете
срце лудо наранете.

Угаснете и светлини!

Мрак да биде – каракамен

(Коста Солев Рацин)

Империјализмот во балканските држави има квалитативно својство на странски инвестиции и воедно тој е највисокиот облик на капитализмот – оној, најперверзниот кој се појавува како спасител.

Странските инвестиции во Македонија се толку естетски наџиџани од шминкерајот на правниот позитивизам и парламентарната аристократија што тие самоотуѓувањето и самоуништувањето на работниците го сервираат како врвно етичко задоволство на заедницата.

Во екот на „политичкава криза“ во Македонија сведоци сме на случаи на мртви (!) работници на работно место и тоа скоро да не предизвика никаков ефект во заедницата, а камоли пак ефект на „бомба“ со кои опозицијата се расфрла во последно време. Капитализмот одамна излезе од фазата каде тој беше само како апстрактен кривец за распад на заедницата, застрашувачките последици на капитализмот и западниот империјализам се емпириски факт. А сепак тоа е најмалку оспоруваната (скоро воопшто неопсорувана) причина на опозицијата обидувајки се да го собори овој режим. КАПИТАЛИЗМОТ НА БАЛКАНОТ Е НЕПРИКОСНОВЕН! повеќе…

Клучни зборови: дрекселмаер, империјализам, странски инвестиции

Цитати

Револуцијата испарува и го остава зад себе само шлајмот на новата бирократија. Синџирите на измаченото човештво се направени од црвена лента. Франц Кафка

Видео

Клучни зборови

Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!