Движење за социјална правда

Пазар на личности [Ерих Фром, „Здраво општество“]

Каков е односот на човекот спрема себе? Човекот се доживува себеси како предмет кој треба да биде успешно искористен на пазарот. Тој не се доживува себеси како активно битие, како носител на човечките моќи. Тој е оттуѓен од овие моќи. повеќе…

0
img

МА(Т)Р(И)КС СЛОБОДА

МА(Т)Р(И)КС СЛОБОДА[1]

Апстракт

Марксистичката критика на историјата не е нова и непозната работа. Тоа совршено го направи токму Маркс, приговарајќи му и китикувајќи го Хегела, кој во тоа време беше апсолут во филозофијата. Она што би можело да биде ново е нејзиното реактуализирање преку категориите на слободата, односно преку спротивставување на марксистичкото сфаќање за слободата, и нејзината улога во историјата на општествата, наспроти метафизичката слобода, претпоставена во филозофијата на либерализмот и особено неговата економска експресија – неолиберализмот, како тероризам на капиталот.

Овој текст се обидува да го направи токму тоа, да ги судри двата концепта на слободата – метафизичката наспроти материјалистичката. Преку тоа се укажува не само на историската релевантност на материјалистичкиот концепт на слободата и нејзината компатибилност како со човековата природа, така и со неговиот стремеж и идеја за политичка заедница – туку, исто така, се укажува и на нужниот општествен стремеж кон материјалистичка слобода како услов за почеток на еден свесен тек на општесвената историја каде навистина слободниот човек би бил на општесвениот пиедестал. Слобода која заедницата мора да се труди да ја овозможи на своите членови, како истата таа заедница би имала право и услов да постои.

Накратко, овој текст докажува дека единствен општесвено релевантен концепт и сфаќање за слободата е материјалистичката слобода! Класно поделената заедница е негација на самата слобода. Слободен развој на индивидуата единсвено е можен само во материјално сигурното и бескласно општество кое, на некој начин, е цел на социјалистичката филозофија.

 

Хактан Реџеп Исмаил

Член на движењето за социјална правда – ЛЕНКА



[1] Ова е конференциски прилог на Симпозиумот “Марксизмот денес” во организација на Институтот за филозофија при Филозофскиот факултет и Филозофското друштво на Македонија. (23.12.2014) повеќе…

ГРЦИЈА – ТУРЦИЈА

ДАЛИ ВЕТРОТ ДУВА И ВО ЛЕВИЧАРСКИТЕ ЕДРА НА КУРДИТЕ?

hdp_syrizaПобедата на СИРИЗА на последните избори во Грција не ја потресе само Европската Унија, туку и други земји во Егејот. Додека турскиот премиер Ахмет Давутоглу со стиснати заби му честиташе на Алексис Ципрас, провладините турски весници побрзаа да ја информираат јавноста за “опасноста” од една таква можна власт во Турција. Победата на СИРИЗА, исто така, предизвика бран на ентузијазам меѓу социјалистичките секуларисти и левите либерали, кои вообичаено се разединети, посветени во обидот да го олабават стисокот на се’ поавторитарната власт на АКП, со надеж да формираат демократско и секуларно движење инспирирано од изборите во Грција, што пак би можело да доведе до радикални промени не само западно, туку и источно од Атина.

 

Дали Грција преку демократските избори, би можела да биде за Турција тоа што беше Тунис за Египет со масовните протести во 2011? повеќе…

0
img

Манифест: Кон една слободна и револуционерна уметност

Несомнено е дека се чувствува кризата во политичкиот простор на нашава република и пошироко. Но, тоа не е само политичка криза, туку повеќе е рефлексија на економската оскудност во оваа фаза на капитализмот на глобално ниво. Политичката криза пак секојдневно гледаме како се рефлектира и на општеството, а тука е и уметноста која е доведена до нејзината најперверзна улога во одбрана на статус квото. Затоа редакцијата на ДСП-Ленка одлучи да го пренесе овој исклучително важен текст за улогата на уметноста во ослободувањето на општетсвото, како и важноста на социјализмот за создавање на потполно слободна уметност.

 

fotoБез никакво претерување можеме да кажеме дека цивилизацијата, како никогаш до сега, е под сериозна и опасна закана. Вандалите, со нивните варварски средства кои споредбено беа и неефикасни, ја уништија античката култура која се наоѓаше во еден агол на Европа. Но, денес ние ја гледаме светската цивилизација, обединета во својата историска судбина, како паѓа под ударите на реакционерните сили вооружени со целиот арсенал на модерната технологија. Ние во никој случај не размислуваме единствено само за војната која се приближува. Дури и во време на „мир“ ситуацијата со науката и уметноста постана апсолутно неподнослива.

повеќе…

ЛЕНИН: ЛИЦЕ ВО ЛИЦЕ СО ВОЈНАТА И РЕВОЛУЦИЈАТА (3)

we-want-peace-bread-and-land

Првата светска војна изврши огромен притисок на царска Русија. Војната течеше лошо, недостатоците на храна беа се` полоши и полоши, а системот западна во длабока криза.

Милиони селани се регрутирани во војска – каде изненадно беа изложени на идеите на класно освестените работници. За разлика од другите земји, водечката социјалистичка партија – Болшевици – не капитулираше пред национализмот, туку од самиот почеток се противеше на војната.

Во февруари 1917 година изби револуцијата. На меѓународниот ден на жените, работничките во главниот град на Русија, Петроград, почнаа протести поради недостатоците на леб.

Полицијата ги разби демонстрациите. Двојно повеќе жени се појавија наредниот ден. Движењето се ширеше како пожар. Војниците, наместо да пукаат на демонстрантите, почнаа побуна и во рок од една недела царот, рускиот диктатор, беше присилен да абдицира. повеќе…

0
img

ЛЕНИН: Раѓањето на масовна партија во текот на револуцијата од 1905 година (2)

120501leninВо првите години на XX век Ленин се залага за демократска и централизирана револуционерна партија, составена од посветени активистки и активисти, способни да го внесат духот на социјалистичката политика во работничките борби. Тука Лениновите болшевици се оделија од меншевиците, кои сакаа условите за членување во партијата да ги постават на многу поширока основа. Ленин успеа да изгради релативно стабилна underground т.е. илегална организација на болшевички комитети низ Русија.

Првиот тест за болшевиците е 1905 година – година на масовни штрајкови и револуции. Барањата за демократија па дури и за царскиот престол манифестирани со огромните штрајкови ја дестабилизираа Русија. Раборничката класа во најважниот руски град, Петроград (Санкт Петербург), формирала совјет, односно работнички совет. Совјетот претставувал институција заснована на непосредно избрани и исто така непосредно отповикливи делегати на сите работни места. Бил далеку порепрезентативен и подемократски во однос на било кој парламент. повеќе…

0
img
Цитати
  • Ние ни сега не сме, ни тогаш не бевме феминистки. Не се боревме против мажите. Не сакавме машката хиерархија да ја замениме со женска. За да постигнеме социјална револуција, неопходно е да работиме и да се бориме заедно. Но потребна ни беше наша сопствена организација за да се бориме за себе. Mujeres Libres
Видео
Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!