Движење за социјална правда

СООПШТЕНИЕ ДО МЕДИУМИТЕ ПО ПОВОД ФОРМИРАЊЕТО НА НОВАТА ПАРТИЈА „ЛЕВИЦА“

logo511-300x200

Само Партија може да запре партија!

Движењето за социјална правда „ЛЕНКА“ ја известува слободоумната македонска јавност дека го поздравува основањето на новата автентична политичка партија во Македонија – „ЛЕВИЦА“ создадена од сосема нови лица со кредибилитет стекнат преку долга километража на неколкугодишен искрен активизам позади себе.

Сакаме јавно да ги потврдиме медиумските написи од последниве неколку дена и да обзнаниме дека речиси целокупното активно членство на ДСП „ЛЕНКА“ работи во насока на популаризирање и идна судска регистрација на Партијата –но, притоа ЛЕНКА ќе продолжи да постои како самостоен правен субјект.

Нашите членови се решија на ваков потег со цел да дадат до знаење дека, за разлика од постоечките партии на македонската политичка сцена, ЛЕВИЦА е единствената која се создава „одоздола“, преку политичко зреење на досегашните неизвалкани граѓански активисти кои, согласно духот на времето, сфатија дека нема никаква поголема општествена корист од утопистички хоризонтални движења, краткорочни идеолошки непрофилирани акции и иницијативи или создавање на проектно ориентирани невладини организации.

Македонските прилики бараат сериозна и посветена структура која ќе ги обедини досегашните дисперзирани движења на отпорот во една организирана сила, создадена од нови еманципирани и класно освестени млади луѓе, кои работејќи заедно за општото добро, како што покажале многупати досега во изминативе осум години – секогаш ќе го артикулираат гласот на безгласните.

Улиците не ги напуштаме, но и Парламентот не им го оставаме!

Кога институциите се глуви, време е да влеземе во нив!

Подобро општество е неопходно, подобро општество е можно!

ЌЕ ПОБЕДИМЕ

 

lenkaLogo-565x320

Скопје

15 ноември 2015

С О О П Ш Т Е Н И Е

Демантпо повод исклучувањето на МЕСО од ССМ

 

ДСП Ленка остро го осудува исклучувањето на МЕСО, синдикатот за образование од страна на раководството на ССМ, кое даде наводно „образложение“ дека МЕСО го крши Статутот и Одлуките на соодветните тела и органи во рамки на ССМ.

Без да ја достави одлуката за исклучување до МЕСО, наложено е иселување на МЕСО од ССМ во рок од три дена. Во овој случај, не се почитуваше правото на приговор што секој синдикат член на ССМ го има согласно Статутот на ССМ. Ова доволно говори за фактот дека самоволието на Живко Митревски е побитно од синдикалната борба и дека најголемата конфедерација одамна е окупирана од бирократи кои најмногу мислат на сопствената фотелја. Она што Митревски не може да го прости е критичкиот (исправен) однос на МЕСО кон сервилниот однос на бирократијата во ССМ кон власта и работодавачите. Исто така „гревот“ на ССМ е што е потписник на неформалната Синдикалната Повелба за солидарност, каде што членуваат автентични синдикати и организации кои стојат рамо до рамо со МЕСО, обединети заедно поради потребата за синдикална борба, притиснати од бирократизираноста и нефункционалноста на големите бирократски централи.

МЕСО беше и ќе продолжи да биде вистински и доследен синдикат и без оглед на оваа одлука, синдикат кој секогаш реагира кога се напаѓаат работничките права, синдикат кој знае да излезе и од сопствената рамка на работничка борба и да поддржи и други прогресивни изблици во нашето општество.

Правдата е на страна на МЕСО, а овој потег на испаничените бирократи само говори дека ССМ се плаши од доследниот синдикализам во своите редови.

 

ДСП ЛЕНКА

24.09.2015 година

СООПШТЕНИЕ

 

Демант

по повод најновиот упад во синдикатот во Битола

 

Уште еден удар врз синдикатите. Имено, поништен е легалниот и легитимниот избор на претседателката на синдикалната организација на СОНК при О.У.  „ Елпида Караманди “ – Битола, д-р Фанче Јошевска. Таа истовремено беше претседател на регионалниот одбор на СОНК за Битола, Ресен и Демир Хисар.

Што се случи? На 27. 04. 2015 година, како единствен кандидат за претседател, д-р Фанче Јошевска беше реизбрана за претседател во синдикалната организација во О. У.  „ Елпида Караманди “ – Битола. Во меѓувреме донесена е одлука за поништување на изборот, за што претседателката не била известена и не ѝ била дадена можност јавно да се обрати на советот. Подоцна, на 19.09.2015 година на одржаниот повторен избор за претседател на синдикалната организација беше избран поранешниот директор на училиштето Илија Белџигеровски. Изборот е извршен на брутален начин и со прекршување на Статутот на СОНК. Иако на состанокот синдикалците инсистираа да се одржи тајно гласање, тоа не беше овозможено.  Згора на ова дојде до вербални закани и  принуда врз членовите на синдикалната организација да гласаат за јавно гласање на кандидатите. Со тој притисок реално се создаде ситуација без услови за демократски избори и изразување на вистинската волја на гласачите. Голем дел од синдикалците ја напуштија просторијата и училиштето.  Дел од оние кои го напуштија состанокот ги принудија да се вратат во училиштето за да се достигне кворум.

Навикнавме на газење врз правата на работниците, бидејќи молчиме и премолчуваме. Време е да ја рашириме идејата за солидарност. Работниците може да се потпрат само на себе.

ДСП Ленка веќе контактираше и оствари средба со разрешената претседателка и одлучно застанува во одбрана на автентичниот синдикализам. Борбата мора да продолжи.

 

 

ДСП Ленка

22.09.2015 година

0
img

ДЕН ПОСЛЕ ПОБЕДАТА НА ЏЕРЕМИ КОРБИН (И што тоа би можело да значи за Европа и Македонија)

 

KorbinЏереми Корбин е нов лидер на Лабуристичката партија во Велика Британија. И тоа со победа во првиот круг и освоени 59,5 проценти, оставајќи ги против-кандидатите со минорна поделба на остатокот гласови. Оваа вест одекна како бомба и уште на денот на објавата ја подели британската и светска јавност на два дела. Едни со голем ентузијазам споделија и со големи надежи гледаат на овој избор. Други го дочекаа на нож, повторувајќи ги старите и излитени напади кои секогаш ги добива левицата која се отргнува, барем за момент, од прегратките на капиталот.

Дали дуваат нови ветрови, ветрови на промена од Запад? Овојпат во обратен правец од тој од крајот на 80-тите и почетокот на 90-тите? И дали овие ветрови ќе донесат промени и во останатите делови од Европа и пошироко? повеќе…

МАРЈАН РИСТЕСКИ: СОЛИДАРНОСТ ПОМЕЃУ РАБОТНИЦИТЕ ПОСТОИ, НО НЕМА СОЛИДАРНОСТ ОД ВОДАЧИТЕ НА СИНДИКАТИТЕ!

12003374_951083914950698_3223814433381376413_n

Веќе неколку дена трае штрајкот на железничарите кој започна поради неисплатени плати и придонеси. Ова не е првпат железничарите да се одлучат на ваков чекор, тие се познати по својата синдикална борба и решителност во вакви клучни моменти. ДСП Ленка го поддржува овој штрајк, како и секоја друга автентична работничка борба и за таа цел поразговаравме со Марјан Ристески – претседател на независниот синдикат КСОМ (кој е дел од Повелбата за солидарност) со цел од прва рака да добиеме мислење и информации за овој штрајк. повеќе…

Клучни зборови: , ,
0
img

Грција: Новиот договор – разочарување и казна за изборот „не“ на народот

(Напишано од комунистичката тенденција на Сириза, понеделник, 13 јули, 2015)

 

communist-tendency-syrizaДа се организира масовен отпор против хунтата – составена од Тројката, олигархијата и капиталистичката влада – да се спречи верификувањето на договорот во парламентот.

Што треба да прават членовите на Сириза и на Левата платформа?

Меморандумскиот договор кој го потпиша премиерот на ЕУ самитот утрово и кој вклучува сериозни ограничувања, нови нивоа на превисоко оданочување на луѓето, пошто – зашто приватизации и кратења на платите и пензиите – не е ништо друго туку разочарување и предавање пред барањата на Тројката. Исто така, тој е казна за народот поради неговиот храбар, класно втемелен глас „не“ (на референдумот минатата недела).

Владата и водството на Сириза капитулираа. Ама работниот народ и младина нема да го сторат истото. Најзначајна задача во моментов е да се создаде масовно револуционерно „не“ движење на работничката класа со цел да се спречи прифаќањето на новиот меморандум од страна на парламентот и да се порази парламентарната хунта на „национално единство“. повеќе…

Клучни зборови: ,
0
img
Цитати
  • Сопственоста е кражба. Пјер Жозеф Прудон
Видео
Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!