Движење за социјална правда

А народот кој ПОВЕРУВА имаше едно срце и една душа И НИКОЈ НЕ ВЕЛЕШЕ ДЕКА НЕШТО ОД НЕГОВИОТ ИМОТ Е НЕГОВО ТУКУ СЕ’ ИМ БЕШЕ ЗАЕДНИЧКО

954619_10151609514041952_1451747105_n

 

 

“А народот кој ПОВЕРУВА имаше едно срце и една душа И НИКОЈ НЕ ВЕЛЕШЕ ДЕКА НЕШТО ОД НЕГОВИОТ ИМОТ Е НЕГОВО ТУКУ СЕ’ ИМ БЕШЕ ЗАЕДНИЧКО„ (Евангелије по Лука 4:32)

Празниците се празнуваат само ако е исполнета нивната суштина, можат да слават само оние што суштината нивна ја живеат!

Денес два големи празника во еден ден, но чуму празници ако славениците едвај преживуваат преку цела година!? Празниците во вакви околности се само лажна вредност во суровата реалност, како на работникот така и на верникот.

Работиците обесправени, нивните права погазени, разединети и поробени од шака народ кои средствата за производство ги држат во свои раце, капиталисти! Работниците кои ги создаваат сите добра во заедницата човекова, бдеат во беда на социјалната периферија на истата таа заедница, чуму таков празник!

 

Верниците, они кои го слават воскресението на нивниот учител, следбеници на денешните црно-мантијаши и црквеници како самодекларирани наследници на ликот и делото Христово. Верниците кои на богослужбите од своите разурнати, влажни и тесни домови доаѓаат во раскошните и позлатени храмови во какви Христос никогаш не беше стапнал. Клеровите ги прелажаа верниците, своите домови ги претворија во сараи и палати во името на Бога а на верниците им го одземаа достоинството како работници и ги оставија и понатаму да страдаат за основните нивни потреби за преживување во секојдневниот живот.

 

Напишано е: „Не само од леб ќе живее човекот, а и од секој збор што излегува од устата на Бог“. Напишано е исто така: „Не искушувај го Господ, твојот Бог., Бегај од мене сатано, зашто е напишано: На Господ твојот Бог да му се поклонуваш и само него да му служиш“.

 

Работникот и Верникот имаат исти интереси и непријатели:

– НЕ ЗА ПРИВАТНАТА СОПСТВЕНОСТ!

– ПРОТИВ КЛЕРОВИТЕ и КАПИТАЛИСТИТЕ!

ЗА СОЦИЈАЛИСТИЧКО И ПРАВЕДНО ОПШТЕСТВО!

 

 

ДСП „Ленка“
1. Мај 2016

 

 

0
img

ПРВОМАЈСКИ ПРОГЛАС

Потписниците на Повелбата за солидарност на синдикатите и здруженијата за заштита на работничките права до работниците, работничките и сите граѓанки и граѓани на Република Македонија го испраќаат следниот

ПРВОМАЈСКИ ПРОГЛАС

Постојаното погазување на правата и достоинството на работниците е една од клучните неправди што ги живееме.  Заедно да го кренеме гласот на протестен марш! 

letok napred2-01 (1)

Се обединуваме во борбата за остварување на следниве заеднички Ц Е Л И:

  • донесување нов Закон за работни односи кој што ќе овозможи вистинска заштита за работниците во приватниот и во јавниот сектор, преку:
    –  ослободување на правото на штрајк, бидејќи, преку спорни одредби во актуелните закони, на работниците им е отежната борбата за своите права преку штрајкови;
    –  нормализирање на процесот за регистрација на синдикатите и синдикалните организации согласно одредбите на Конвенциите 87 и 96 на Меѓународната организација на трудот (МОТ);
  • итно изедначување на минималната плата на вработените во текстилната, кожарската и чевларската индустрија со сите останати категории работници согласно Уставот и законите на РМ, како и конвенциите потпишани од страна на државата;
  • промени во Законот за безбедност и здравје при работа со кои здравјето на работниците ќе се стави како приоритетен аспект на работниот однос;
  • повлекување на Законот за административните службеници и на Законот за вработените во јавниот сектор – два закони што го киднапираа достоинството на вработените во јавниот сектор;
  • со повлекувањето на горенаведените закони, бараме враќање на Законот за државните службеници со оригиналниот текст од 2000 гoдина
  • повлекување на Законот за културата и на подзаконските акти донесени врз основа на истиот;
    со повлекувањето на горенаведениот закон, бараме враќање на Законот за култура од 1998 и отпочнување преговори за потпишување на Колективен договор за вработените во културата;
  • повлекување на сите измени и дополнувања на Законот за високо образование од 2008 година до денес, сè до донесувањето нов ЗВО во кој ќе се обезбеди потполно почитување на правото на автономија на Универзитетот, квалитетен и одржлив развој на вискообразованата дејност, како и изземање на јавните високообразовни установи од системот на трезорско финансирање.
  • законско регулирање на партиципативно студентско организирање и демократска студентска репрезентација во високообразовните установи;
  • повлекување на сите измени на постојниот Закон за надворешни работи од 2008 година до денес и подзаконските акти донесени врз основа на тие измени
    – враќање на оригиналниот текст на ЗНР од 2006 година во сила, со единствена цел за нормализирање на состојбите во МНР и реинституционализирање на МНР во интерес на    надворешната политика;
  • донесување нов Закон за медиумите кој ќе биде прифатлив за новинарите и медиумските работници и регулирање на платите и останатите права преку законска рамка (односно Колективен договор изготвен од ССНМ)
  • вклучување на сите грански синдикати во процесот на социјален дијалог на би- и три-партитно преговарање
  • отпочнување со инклузивен процес на преговарање за нови Општи колективни договори за вработените во приватниот и во јавниот сектор;
  • потпишување Колективни договори за сите гранки и дејности кои ќе ја отсликаат вистинската слика на борбата за подобри работнички права во Република Македонија.

Повикуваме на здруженост во борбата за поголеми права и подобри услови за работа. Вруваме дека само преку соработка и работничка и синдикална солидарност можеме да се спротиставиме на притисокот на актуелните антиекономски и антисоцијални политики.

 

Потписници на Повелбата за солидарност:

Синдикат на македонската дипломатска служба (СМДС) , Синдикат на работниците од управата, правосудните органи и здруженијата на граѓани (УПОЗ ), Самостоен синдикат на новинарите и медиумските работници (ССНМ), Левичарско движење СОЛИДАРНОСТ, Движење за социјална правда ЛЕНКА, Синдикат на културата на Република Македонија (СКРМ), Мултиетнички синдикат на образование (МЕСО), Конфедерација на синдикалните организации на Македонија (КСОМ), Независен академски синдикат (НАкС) и Младинска организација МУГРА

 

0
img

СООПШТЕНИЕ ДО ЈАВНОСТА

11

Движењето за социјална правда „Ленка“ ја информира јавноста дека нејзини членови ќе учествуваат на големиот граѓански ПРОТЕСТ закажан за недела – 17 мај 2015 год.

Сметаме дека денес, кога благодарение на погубните неолибералистички политики спроведувани во целиот период од независноста, квалитетот на животот на нашите сограѓани станува мизерен – неприкосновено право на граѓаните е слободно да го изразат својот РЕВОЛТ од постојаното осиромашување и зголемувањето на класните разлики, како и од последните криминални корупциски скандали кои ја потресоа македонската јавност.

Цениме дека последните случувања во државава под палката на сегашната власт, проследени со серија апсења на студенти и други граѓани, линчувања, етикетирања, навреди, закани и притисоци за неистомислениците се само поттик повеќе НАРОДОТ да го искаже својот акумулиран гнев и преку протест да прати јасна порака дека не се согласува со актуелните погубни политики и дека му е потребна трета радикално левичарска опција составена од нови неискомпромитирани ликови на политичката сцена.

Особено ги повикуваме работниците и студентите да излезат на овој и на секој следен протест за поддршка на новата автентична левица и конечно, преку сопствен политички опит во праксата, да ги преземат работите во свои раце, задавајќи им смртоносен удар на двете најголеми транзициски политички партии – затоа што, согласно нашата идеологија, СЛОБОДАТА претставува историско дело, а не дело на мислата!

ПОДОБАР СВЕТ Е НЕОПХОДЕН!

ПОДОБАР СВЕТ Е МОЖЕН!

ЌЕ ПОБЕДИМЕ

ДСП „ЛЕНКА“

15.05.2015

С О О П Ш Т Е Н И E – по повод актуелните политички збиднувања

11

Движењето за социјална правда – Ленка, смета дека власта уште еднаш го покажа својот ригиден и тоталитарен начин на владеење и бара да се обезбедат барем минимални демократски услови за политичко делување и мнение различно од нејзиното, без притоа чинителите на истото да бидат кривично процесуирани пред „независните“ управни и правосудни институции на системот. Неспорно, евидентен е стравот кој е се` повеќе присутен кај ВМРО-ДПМНЕ, од зачестените и основани социјални изблици на различните општествени категории и групи во РМ, кои не се согласуваат со нерационалното однесување на власта.

повеќе…

0
img
aksc0

АВТOНОМЕН КУЛТУРНО СОЦИЈАЛЕН ЦЕНТАР СО ОТВОРАЊЕ НА 22 НОЕМВРИ

Слободна, автономна зона, место каде солидарноста, креацијата и активизмот го имаат главниот збор, а каде хиерархијата не постои.

Создаван волонтерски, со огромна енергија и желба за придонес во заедницата. Таков е концептот на новиот Автономен културно социјален центар (АКСЦ) кој уште неотворен, предизвикува голем интерес кај граѓаните. Изминатиов месец група граѓани самите го креираат изгледот на центарот, а во исто време ја конципираат и програмата на настани кои ќе се одржуваат таму. Сега го имаме и датумот на официјалното отворање, 22 ноември. Во екот на завршните подготовки, разговараме со повеќе луѓе од АКСЦ кои се активно вклучени во неговото создавање.

повеќе…

aksc1

Група ентузијасти отвoраат нов Автономен културно социјален центар во Скопје

Скопје, по терк на Берлин, Париз, Атина и Софија конечно ќе добие Автономен културно социјален центар. Филмски проекции, поетски читања, истражувачки проекти, јавни дебати, изложби, уметнички перформанси, работилници за деца, готвење, размена на литература, независен театар…сите овие настани и иницијативи за послободно, похумано и покреативно општество ќе бидат дел од центарот.

повеќе…

Цитати
  • Најнасилниот елемент во општеството е незнаењето. Ема Голдман
Видео
Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!