Движење за социјална правда
- CentarZaPE
- Crvena Akcija
- Crvena Kritika
- CrvenaInicijativa
- Demokraticni Socializem
- European LEFT
- JacobinMag
- Libcom
- MarksistTutum
- Marxist
- MonthlyReview
- Novi Levi
- Novi Plamen
- PartijaRada
- Pobuna!
- RadnickaBorba
- Rosa Luxemburg Foundation
- Siriza
- Sosyalistalternatif
- Združena levica
- Левичарско Движење "Солидарност"
- Марксистичка интернет архива
- Нова Искра
- Слобода
- Слободен Индекс
- ССНМ
2015
ДЕН ПОСЛЕ ПОБЕДАТА НА ЏЕРЕМИ КОРБИН (И што тоа би можело да значи за Европа и Македонија)
Џереми Корбин е нов лидер на Лабуристичката партија во Велика Британија. И тоа со победа во првиот круг и освоени 59,5 проценти, оставајќи ги против-кандидатите со минорна поделба на остатокот гласови. Оваа вест одекна како бомба и уште на денот на објавата ја подели британската и светска јавност на два дела. Едни со голем ентузијазам споделија и со големи надежи гледаат на овој избор. Други го дочекаа на нож, повторувајќи ги старите и излитени напади кои секогаш ги добива левицата која се отргнува, барем за момент, од прегратките на капиталот.
Дали дуваат нови ветрови, ветрови на промена од Запад? Овојпат во обратен правец од тој од крајот на 80-тите и почетокот на 90-тите? И дали овие ветрови ќе донесат промени и во останатите делови од Европа и пошироко? повеќе…
2015
Бегалската Криза е Криза На Системот
Деновиве низ социјалните мрежи и медиумите кружи морничавата фотографија на безживотното тело на тригодишното дете Ајлан Курди, кое пред неколку дена беше исфрлено од морските води на брегот на Бодрум во Турција, како резултат на несреќата која ја доживеа семејството при превртување на нивниот напукнат чамец, кое бегајќи од Кобане (Сирија), преку Турција и Европа сакаше да се засолни во Канада. Светските медиуми ја опишуваат како симбол на бегалската криза која се интензивизира периодов, најголеми критики одат кон Европа, која не може(!?) да се справи со оваа криза, вклучувајќи го и претседателот на Турција, кој не барајќи ниту трошка вина во себе, веднаш го впери прстот кон Европа. Но, фотографијата на ова мртво дете не е симбол на бегалската криза, туку е симбол на причината за ова масовно иселување, тоа е капитализмот, системот кој насилно се воспоставува од страна на империјалистичките сили, во кој една класа на луѓе, властодржците и богатите живеат привилегирано и управуваат со животите на „Ајланите“, кои најчесто завршуваат несреќно. Едно е јасно: ние немаме проблем со мигрантите, ние имаме проблем со капитализмот. Тригодишниот Ајлан Курди е жртва на овој систем. повеќе…
2015
Политичките андроиди од градот Стирополис
Ова е говорот на нашиот другар Андреј Јованчевски изречен по повод еден месец од бруталниот напад на македонската полиција врз студентите од Библиотеката „Браќа Миладиновци“ – Скопје
Другари и другарки,
Помина еден месец од климаксот на граѓанската огорченост. Помина еден месец од кулминацијата на полициската жестокост. Но битно е да се подвлече дека не беа тоа безлични стихии што се судрија на 5 мај. Пред еден месец учествувавме во најинтимната средба насамосвесните граѓани и политичките андроиди. Интимниот простор и интегритетот на личноста се одамна пенетрирани од владиниот политички и полициски арсенал во оваа земја. Но на 5 мај андроидите се приближија кон идеалот на интимноста на нивниот програмер: преку насилство, тие ги помирисаа потта и крвта на нашите тела под окната на нивниот замок. повеќе…
2015
ЗА АПОЛИТИЧНИТЕ ИНТЕЛЕКТУАЛЦИ
Еден ден аполитичните интелектуалци од мојата земја ќе бидат испрашувани од најобичните наши сограѓани.
Ќе бидат прашани што правеле кога нивната држава умирала бавно, како мило огниште, мало и само.
Никој нема да ги праша за нивната облека, за нивните прошетки по ручекот, никој нема да сака да знае за нивната стерилна борба со „идејата за ништото“, никому нема да му биде грижа за нивното високо знаење за финансии.
Нема да бидат прашани за грчките митови, или за нивното гадење кога некој во нив почнува да умира на кукавички начин.
Нема да бидат прашани ни за нивните апсурдни оправдувања, родени во сенката на тоталната лага.
На тој ден најобичните граѓани ќе дојдат. Оние кои немаа место во книгите и поемите на аполитичните интелектуалци, но катаден им го носеа нивниот леб и млеко, нивните палачинки и јајца, оние кои што ги возеа нивните коли кои што се грижеа за нивните кучиња и градини и работеа за нив, и ќе прашаат: „Што правевте кога сиромашните страдаа, кога нежноста и животот во нив догоруваa?“
Аполитични интелектуалци од мојата мила земја, вие нема да можете да одговорите.
Црвот на тишината ќе ви ја изеде утробата!
Вашата мизерија ќе ја глода вашата душа.
И ќе бидете неми во вашиот срам.
Otto René CASTILLO (1934–1967)
Guatemala
2015
ПРЕДИЗВИКОТ НА МАКЕДОНСКАТА ЛЕВИЦА
Состојбата во која не доведе актуелната политичка гарнитура на ДПМНЕ според наше видување е состојба која го доведе нашето општество пред сериозен политички амбис. Пред се мора да потенцираме дека, според нас оваа политичка гарнитура е мотивирана чисто од финансиско-лукративни побуди и олигархиски интерес и целата популистичка демагогија е ставена во служба на одбрана на нечиј класен интерес.
ДПМНЕ е партија која сериозно ги загрози и така малите работнички и социјални права на мнозинството од народот. Уште од почетокот на своето владеење таа оцрта политика во служба на малубројната македонса олигархија и притоа свесно го погази интересот на работничката класа. Сите законски измени кои оваа гарнитура ги воведе, според нас се систематско инсталирање на едно класно раслоено општество, кое денес веќе е емпириски согледливо. Денес е се почеста појавата на семејства кои не можат да ги задоволат ни своите елементарни потреби кои се контрастираат со, од друга страна, на прсти бројливите домашни моќници кои ги контролираат најклучните и најпрофитабилните сектори од домашната економија. повеќе…
2015
И Викиликс и Сноуден беа своевидни бомби..
И Викиликс и Сноуден беа своевидни бомби. Според обемот на прислушување кој тие го открија, за ова нашево ич не треба муабет да правиме. Ако нашиве чауши рекетирале, рушеле и на правина луѓе во апсаана праќале, белосветскиве истото му го правеле на цели нации. Колку што вистината сама по себе имаше моќ да го ослободи светот од нив, толку и ние ќе видиме себап од овие материјали. Ако нашиве институции биле само координативни тела за нелегални бизниси, на светско ниво државните органи апла биле само играчки во рацете на мултинационалните корпорации. Колку ние што спонтано ќе ги развластиме нашиве сатрапи, толку и во светот спонтано ќе им дојдат до ак на тие везден исти лица кои членуваат во одбори од кобајаги различни корпорации. повеќе…
- Најнасилниот елемент во општеството е незнаењето. Ема Голдман