Движење за социјална правда

Дали Македонија е фашистичка земја?

Fascism

Д-р Лоренс Брит ги испитал фашистичките режими на Хитлер (Германија), Мусолини (Италија), Франко (Шпанија), Сухарто (Индонезија) и неколку латиноамерикански режими. Брит забележал 14 дефинирачки карактеристики, заеднички за секој режим:

 

1. Моќен и континуиран национализам

Фашистичките режими имаат тенденција да се водат од постојана употреба на патриотски пароли, слогани, симболи, песни и други реквизити. Знамињата можат да се видат насекаде, дури и како симболи на облеката и во јавното изразување.

2. Непочитување и одбивност кон човековите права

Поради стравот од непријатели и потребата од безбедност, во фашистички режим луѓето се убедуваат дека човековите права во одредени случаи може да се игнорираат. Луѓето се учат да замижат пред тоа, па дури и одобрат тортура, егзекуции по кратки постапки, атентати, долги затварања на затворениците итн.

3. Идентификација на непријателот/жртвено јагне, како причина за обединување

Луѓето се заразуваат со патриотска грозница од потребата да се елиминира заедничката закана или непријателот: расни, етнички или религиозни малцинства; либерали, комунисти, социјалисти, терористи, итн.

4. Превласт на војската

Дури и кога постојат огромни домашни (финансиски) проблеми, војската е диспропорционално финансирана од владата, додека домашната агенда е занемарена. Војници и воена служба се преплатени.

5. Неконтролиран сексизам

Владите на фашистичките земји имаат тенденција да бидат доминирани од мажи. Под фашистички режим традиционалните полови улоги стануваат поригидни. Разводот, абортусот и хомосексуалноста се потиснуваат и државата е претставена како врвен чувар на институцијата семејство.

6. Контролирани медиуми

Медиумите се или директно контролирани од страна на владата, или се контролирани индиректно, преку наклонетите портпароли и директори на медиумите. Цензура, особено во време на војна, е многу честа.

7. Опседнатост со националната безбедност

Стравот се користи како мотивационен инструмент од страна на владата врз широките маси.

8. Религијата и владата се испреплетени

Владите во фашистичките држави имаат тенденција да ја користат најраспространетата религија во државата како алатка за да манипулира со јавното мислење. Религиозната реторика и терминологија се вообичаени за владините лидери, дури и кога главните принципи на религијата се дијаметрално спротивни на политиката на владата или нејзините акции.

9. Моќта на корпорациите е заштитена

Индустриската и бизнис аристократија во фашистичка држава е таа која ги поставува владините лидери на власт, обезбедувајќи заемна корист од релациите помеѓу бизнисот, владата и моќната елита.

10. Силата на работникот е потисната

Бидејќи организирањето на моќта на работникот е најголемата реална закана за фашистичката власт, синдикатите или целосно се елиминираат, или се сериозно потиснати.

11. Омаловажување на интелектуалците и уметниците

Фашистичките земји имаат тенденција да промовираат отворено непријателство кон високото образование и академијата. Не е невообичаено професорите и другите академици да бидат цензурирани или дури уапсени. Слободното изразување во уметноста е отворено нападнато.

12. Опседнатост со криминал и казнување

Под фашистичките режими, на полицијата и’ е дадена речиси неограничена моќ за спроведување на законите. Луѓето често се подготвени да замижат пред полициските злоупотреби, па дури и да се откажат од граѓанските слободи во име на патриотизмот. Во фашистичките држави најчесто постои и национална полициска сила која има речиси неограничена моќ.

13. Неконтролирани протекции и корупција

Фашистичките режими речиси секогаш се регулирани од групи пријатели и соработници кои се назначуваат еден со друг на владините позиции и ја користат владината моќ и авторитет за да ги заштитат своите пријатели од одговорност. Во фашистичките режими не е невообичаено националните ресурси да се присвојат или дури и целосно да се украдат од страна на владини лидери.

 

14. Монтирани избори

Понекогаш изборите во фашистичките држави се комплетна измама. Во друг случај, изборите се изманипулирани преку клеветнички кампањи против опозицијата, па дури и атентат на нејзините кандидати, злоупотребата на законодавството за контрола врз броењето на гласовите и медиумска манипулација. Фашистичките нации, исто така, обично го користат и судството за да се манипулираат или контролаат изборите.

 

Клучни зборови: ,
0
img

Цитати
  • Слободата без социјализам е привилегија, неправда; социјализам без слобода е ропство. Михаил Бакунин
    Федерализам, социјализам и антитеологизам
Видео
Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!