Движење за социјална правда

Грција: Новиот договор – разочарување и казна за изборот „не“ на народот

(Напишано од комунистичката тенденција на Сириза, понеделник, 13 јули, 2015)

 

communist-tendency-syrizaДа се организира масовен отпор против хунтата – составена од Тројката, олигархијата и капиталистичката влада – да се спречи верификувањето на договорот во парламентот.

Што треба да прават членовите на Сириза и на Левата платформа?

Меморандумскиот договор кој го потпиша премиерот на ЕУ самитот утрово и кој вклучува сериозни ограничувања, нови нивоа на превисоко оданочување на луѓето, пошто – зашто приватизации и кратења на платите и пензиите – не е ништо друго туку разочарување и предавање пред барањата на Тројката. Исто така, тој е казна за народот поради неговиот храбар, класно втемелен глас „не“ (на референдумот минатата недела).

Владата и водството на Сириза капитулираа. Ама работниот народ и младина нема да го сторат истото. Најзначајна задача во моментов е да се создаде масовно револуционерно „не“ движење на работничката класа со цел да се спречи прифаќањето на новиот меморандум од страна на парламентот и да се порази парламентарната хунта на „национално единство“.

Што да се прави сега?

  • Генерален штрајк на неопределено време како и секојдневни собири и демонстрации кои бараат одбивање на договорот
  • Да се организираат состаноци за да се изберат комитети за борба во секоја работна средина и секое маало

Комунистичката тенденција на Сириза ги повикува сите членови на Сириза решително да реагираат во претстојниве часови. Гневот на левичарската база мора да се претвори во политичка акција и да не биде оставен да спласне и заврши со луѓе кои го напуштаат движењето со наведнати глави. Не смееме да ѝ ја олеснуваме работата на владеачката банда лажговци да го извршат нивното предавство. Тие не само што ги прекршија, туку ги уништија сите идеолошки, политички, програмски и темелни принципи на партијата. Целиот срам поради ова предавство е нивен. Да се поведе финална битка со лажговците кои ја водат партијата е прашање на политичка чест, но најмногу од сѐ начин да се придобијат најдобрите леви активисти.

Комунистичката тенденција на Сириза ги повикува сите членови на Сириза да побараат итни состаноци на нивните локални штабови за да се прифати следнава резолуција:

„Меморандумскиот договор и пакетот закони кој тој го подразбира мора да бидат гласани „против“ од страна на сите пратеници на Сириза во парламентот.

Оние пратеници кои ќе гласаат за договорот и владините претставници кои ќе го прифатат неговото исполнување, автоматски ќе бидат исклучени од партијата. Нема повеќе да бидат добредојдени во било кое од партиските тела и нема да го имаат статусот на партиски членови.

Потребен е итен конгрес на Сириза кој политички ќе ја осуди владата и ќе прифати нова програма, нов политички курс и ново раководство.“

Бараме ново заседание на Централниот комитет за да дискутира и да ја прифати оваа резолуција. Ја повикуваме Левата платформа да не поддржи и да бара од своите членови да гласаат против договорот, а од своите министри да дадат оставки од меморандумската влада на „национално единство“.

Ако оваа неопходна финална битка со лажливите лидери како што ја објаснивме погоре ја загубиме, тогаш левото крило на Сириза треба да продолжи со формирање на нова партија втемелена на политичките и програмски принципи на изворниот научен социјализам и цврста политичка осуда на реформизмот и социјалдемократијата кои уште еднаш се докажа дека се виновни за големи загуби и предавства.

Текот и успехот на оваа финална битка целосно зависи од однесувањето и изборот на најголемата тенденција на левицата на партијата, Левата платформа. Ако Левата платформа директно не ги спроведе суштинските потези споменати погоре, тогаш илјадници деморализирани борци ќе ја напуштат партијата и ќе го направат остатокот од левичари и комунисти внатре во Сириза безначаен.

Комунистичката тенденција, иако е нова тенденција со скромни сили, е и отсекогаш била единствената конзистентна опозиција на раководството во партијата. Таа беше единствената Тенденција која поддржуваше алтернативна политичка програма на основачкиот конгрес и во сите други партиски тела и се спротивставуваше на социјалдемократските гледишта на раководството.

Таа беше единствената Тенденција во Централниот Комитет на партијата која гласаше против сите политички предлози на раководството. Ова не беше заради некаков си „идеолошки фетиш“ туку затоа што во овие предлози беше скриен никулецот на идното предавство. Тоа е причината што таа беше единствената Тенденција на која и беше ускратено правото да учествува нa изборните листи и да биде претставувана од страна на пратениците од партијата. Конзистентниот политички став на Комунистичката тенденција како спротивен на оној во моментов доминантен од аплаудирачи, апологети и кукавичката „опозиција“ од „апстиненти“ и „поднесувачи на амандмани“ ни дозволува да упатиме повик за собирање и организирање на најдобрите борци во партијата денес.

Другари, членови, поддржувачи и гласачи на Сириза со кои се боревме, рамо до рамо, за време на штрајковите и демонстрациите, на улиците, на работните места и на универзитетите против Меморандумот, бранејќи ги правата на работничката класа и сиромашните – не се трујте со разочарување и цинизам!

Навистина, готово е со Сириза на ова раководство, со Сириза на социјалдемократијата и кариеризмот. А пак нашата Сириза, сириза на левичарската база и на класната борба е жива. Ве повикуваме да ја засилите оваа тенденција. Организирајте се со Комунистичката Тенденција, борете се за единственото вистинско политичко решение кое му оди во прилог на работниот народ, за антикапиталистичкиот, социјалистички вознес! Тоа е најдобриот одговор за лажливите реформистички лидери, тоа е единствениот начин да им се одржи добра лекција на реформистичките предавници што е тоа  решителност да се дејствува, тоа ќе ја подготви победоносната одмазда на изворниот социјализам!

 

Извор:

http://www.marxist.com/the-new-agreement-sellout-and-punishment-of-no-vote.htm

 

 

 

Клучни зборови: ,
0
img

Цитати
  • Револуцијата испарува и го остава зад себе само шлајмот на новата бирократија. Синџирите на измаченото човештво се направени од црвена лента. Франц Кафка
Видео
Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!