Движење за социјална правда

Соопштение до јавноста по повод оркестрираната антикампања против ЛЕНКА

Со ова сооопштение покрај тоа што сакаме да ја информираме јавноста за новите суштински измени и дополнувања во Статутот и Платформата на организацијата, донесени на последното Вонредно собрание, би сакале да ги разјасниме и дилемите настанати во јавноста во врска со упатените клевети од страна на некои наши поранешни членови и од некои елитистички НВО кругови.

Имено, „Ленка“ е политичка организација која пред сè е дефинирана од нејзините основачки акти кои се резултат на колективната свест и совест на поединците од кои е сочинета самата организација. Општествено-политичките текови и прилики не дозволуваат било која организација да се конзервира и остане непроменета! Особено не кога таа самата себе си се декларира како радикално левичарско движење, со своја автентична идеологија и заложба за покренување на прогресивните сили во општеството. Така и Движењто за социјална правда – ЛЕНКА, во согласност со процедурите утврдени во нејзиниот Статут, како највисок интерен акт, и на линија со новите социо-економски услови; како и поттикната од политичката еманципација и свесност на нејзините членови обзнанува дека официјално ја менува нејзината политичка насока и методите на политичката борба и веројатно во иднина ќе продолжи да инклинира кон можно партиско делување, во зависност од затекнатите политички услови и општествени прилики, а сè со единствена цел – постигнување на зацртаните цели т.е. активирање на сите искрени и прогресивни сили во општеството за подобра социјална состојба на заедницата. ДСП „Ленка“ не ја исклучува можноста за сојузување со други прогресивни, синдикални и левичарски иницијативи, организации и поединци, во или надвор од нашата држава, како би биле посилни во борбата за подобро утре.

Времињата кои надоаѓаат бараат зрели и сериозни политички акции, а не политички ескапизам под плаштот на некакви анархистички идеи или идеолошка непрофилираност и политичка коректност манифестирана преку разни „ен-џи-о“ хипер-активистички самозалажувања кои не допринесуваат за никаква благосостојба на заедницата. Ова особено ако се има во предвид моменталниот идеен вакум на политичката сцена во Македонија, како последица на капиталистичкиот неолибералистички терор кој резултира со комплетно уништување на Јавното кое ние ќе мораме да му го вратиме на Народот.

ЌЕ ПОБЕДИМЕ!

ДСП „ЛЕНКА“

Клучни зборови: , ,
0
img

Цитати
  • Слободата без социјализам е привилегија, неправда; социјализам без слобода е ропство. Михаил Бакунин
    Федерализам, социјализам и антитеологизам
Видео
Неколку прашања до добриот човек: (Бертолд Брехт)

Добар чоек си разбравме,
Но за што ти служи добрината?

Тебе да те купи никој не може
И молњата што дома удира
Не може со пари да се купи.
Разбравме што говориш. Ти кажав нели
Но што тоа кажувш
Прав си, збориш тоа што милиш,
Но што ли мислиш?
Храбар си
Но наспроти кого?
Паметен си
Но кому корист од тоа.

Не би ги превидел твоите бенефити
Пеки бе, тоа што не го привидуваш чиво е?
Нема што да ти се преговори на твоето пријателство,
Пријатели кои ли ти се?

Сега добро сослушајне:
Ти душман си наш
Под некој ѕид ке те истопориме
Но пошто имаш многу добри страни
Пред еден добар ѕид ке те истопориме
Со добри куршуми
Кои молњат од добра пушка ке те стреламе
Потоа ке те погребаме
Со добра лопата
Во добра земја!!!

ПРЕДАВНИК (Назим Хикмет)

„Назим Хикмет сè уште продолжува со предавството негово.
Половична колонија сме на американскиот империјализам, рече Хикмет.
И понатаму продолжува со предавството Назим Хикмет.“
Во еден весник од Анкара излезе ова,
во три реда и со катран црно кое блеска,
во еден весник од Анкара, покрај сликата на адмиралот Вилијамсон
се смешка на 66 сантиметри квадратни, устата до уши му стигнува на американскиот адмирал.
120 милиони лири во нашиот буџет донираше Америка, 120 милиони лири.
„Половична колонија сме на американскиот империјализам, рече Хикмет.
И понатаму продолжува да биде предавник, Назим Хикмет.“
Да, јас сум предавник, ако вие сте патриоти, ако вие сте татковински бранители?!
Јас сум душман татковински, јас сум предавник!
Ако татковината се вашите чифлизи,
ако во вашите сефови и во вашите банкарски сметки е патриотизмот,
ако татковината е умирање од глад покрај патот,
ако татковината е трепет во студот како пес и растрепереност како од маларија во текот на летото,
ако цицањето на нашата крв во вашите фабрики е патриотизам,
ако патриотизмот се канџите на нашите газди,
ако патриотизмот е образование со копје,
ако патриотизмот е полициското ѓубре,
ако вашите трошоци и вашите плати се патриотизмот,
ако патриотизмот се американските бази, американските бомби и американските проектили,
ако патриотизмот не е ослободување од смрдливото ни наше незнаење и темнина,
тогаш јас сум предавник.
Напишете во три реда болдирано со катран црно кое блеска:
Назим Хикмет
сè уште продолжува
да биде предавник!